இயேசு பிறப்பு

         பிறப்பும்  2016  சிறப்பும்
            ------------------------
வெள்ளைத்  தாளாய்  மெள்ள  எழுந்தாலும்
             சுழல்வது  கால ஓட்டம்
புள்ளிப்  பொட்டாய்  கிள்ளிப்  பதிந்தாலுமந
             முழுமுதல்  வரலாராம்

நள்ளிரவில்  வெள்ளிமின்னல்  கீழ்வானில்  வால்நட்சத்திரம்
             முதலாம்  நற்செய்தி
வாழ்வளிக்கும்  ஆளுமைக்கு  ஒளியூட்டி  வழிகாட்டி
              அடையாளம்  நாட்செய்தி

ஈராயிரம்  அண்டுகள்முன்  ஊருலகம்  உறங்கையில்
             பாருலகை  உயர்விக்கும்
பேராத  பாறைகளை  புரட்டிப்போட்டு  வாழவைக்கும்
              பேராற்றல்  பாதம்பதித்தநாள்

உருண்டது  பருவம்  திரண்டது  வருடம்
             நிறைவும்  பிறப்பும்இன்றாம்
வருவது  புதுயுகம்  தருவதும்  பெருமைபெறும்
             ஈராயிரத்துப்  பதினாறாம் !

துளிரும்  தளிரும்  வளர்ந்து  எழுந்து
             வசந்தம்  அசைந்தாடும்
பொழியும்  பனியும்,  நுழையும்  தென்றலும்
             குழுமிச்  செழிப்பாக்கும்

கிமூகிபி  பிறந்தநாள்  கவலைதொல்லை  மறந்தநாள்
             சுபிட்சம்  மலர்ந்தநாள்
சமூக  மாற்றத்துச்  சிந்தைகள்  பிறந்தநாள்
             மறுமலர்ச்சி  கண்டநாள்

பொதுவுடைமை  முதல்வடிவம்  வரைந்து  விரைந்து
             ஒருமனம்  தந்தநாள்
எதுவந்தாலும்  எல்லோற்கும்  சம்மெனும்  சமநிலைக்கு
             எண்ணம்  இசைந்தநாள்

இறுதிக்  காலம்  உறுதி  கொள்வோம்
             மண்ணில்  எண்ணம்
சிறப்பது  அன்பு,  சேர்ப்போம்  கைகளை
             மனிதமேன்மை  காண்போம் !