பொங்கல் வாழ்த்து *

பொங்கலும் !  வாழ்த்தும் !!
                        2018
------------------------------------------
விருந்திடும்  பெருங்குணப்
    பரம்பரைத்  தமிழ்பொங்கல்
கரும்போடும்  விரும்பியிடும்
    பண்பாட்டுப்  புதுப்பொங்கல்

தைப்பொங்கல்  மங்கலநாள்
    தமிழச்சியின்  கைப்பொங்கல்கேள்
தைமுதநாள்  தமிழர்திருநாள்
    செய்தொழிலின்  மெய்கீர்த்திநாள்

தெந்திசைச்  சூரியனும்
    வடதிசை  திரும்புநாள்
மந்தாரம்  மாறிவரும்
    அந்தரத்தில்  வழிதிறக்கும்


விளைவிலே  முதற்பலன்
    விழாவிலே  பயன்பெறும்
வழக்கமான  முழக்த்திலே
    பொங்கலிட்டு  படைக்கப்படும்

வீட்டு  அலங்கபாரம்
    மாட்டு  அலங்காரம்
போட்டுவிட்டு  பழசனைத்தும்
    மீட்டெடுக்கும்  புதுச்சரக்கும்

மனிதருக்கு  மட்டுமல்ல
    மாட்டுக்கும்  காக்கைக்கும்
புனிதமாக  ஊட்டப்படும்
     மரியாதை  காட்டப்படும்


சூரியனுக்குப்  போற்றுதலும்
    சந்திரனுக்கு  ஏற்றுதலும்
ஊறிவரும்  ஊற்றாலே
    வான்மழையும்  வாழ்த்துறும்

உழவருக்கு  விழாக்காலம் 
    உழத்திவீட்டில்  மணக்கோலம்
அழையாத  விருந்தாளிகளும்
    ஆதரிக்கும்  பண்புவளம்

ஒன்றிச்  செய்யும்
    நன்றித்  திருநாள்
அன்றும்  இன்றும்
    தமிழினம்  பொங்கும்பெருநாள்

உலகத்துத்  தமிழினமும்
    நலம்பெற  வளம்பெற
கலகமிலாது  வலம்வர
    வணங்கினோம்  வாழ்த்துகிறோம் !

    

பொங்கல் வாழ்த்து 2017.

பொங்கலோ பொங்கல்
----------------------
தை பிறந்து
கை விரைந்து
பை நிறைத்து
மகிழ்ந்திருக்கும்
மங்கல மாதம்

உற்ற துணை
பெற்ற பலன்
ஈட்டும்

நன்றித் திருவிழா
தமிழர் விழா
உழவர் விழா
அறுவடைப் பெருவிழா
மங்கலப் பொங்கல் விழா

இஞ்சி மஞ்சள்
ஏலங் கிராம்பு
கரும்பு

தேடிப் பிடித்து
நடத்தும் பொங்கல்
மகிழ்
கொண்டாடி
வாழ்க வளமுடன்
வாழ்த்துகிறோம் !

பொங்கல் வாழ்த்து (10-01-2016)

                   புதுப் பொங்கல்
                     ---------------
அறுவடைநேரத்தின்  திருவடிப்பாதத்தில்
          சேர்த்துக்குவித்த  பெரும்விளைச்சல்
இருப்புப்பொங்கல்  விருப்புப்பொங்கல்
          உறவுப்பொங்கல்  பரம்பரைப்பொங்கல்

பழசைநீக்கி  புதுசைஆக்கி
          ஆடைஅணி  வீடுவாசல்
அழகாய்க்கோலம்  புதிதாய்த்தோரணம்
          புந்தொளிமகிழப்  புதுப்பொங்கல்

உழவுக்கும்  உரத்துக்கும்
          பழக்கிவைத்த  காளைக்கும்
குழந்தைகன்று  பால்கொடுக்கும்
           பசுக்களுக்கும்  பசுமைப்பொங்கல்

விளைந்ததில்   உயர்ந்ததில்
          புதுப்பானை  புத்தடுப்பில்
வளைக்கரங்களில்  எழுதாளம்
          சூழமீள  களிப்புப்பொங்கல்

  உயிர்த்தொழில்  பயிர்த்தொழில்
           உயர்குடும்பச்  செயர்த்தொழில்
வயலென்றும்  தோட்டமென்றும்
           விளையென்றும்  முயலுந்தொழில்

வேட்டைவிட்டு  வீட்டைக்கட்டி
          நாட்டைக்கட்டி  கோட்டைகட்டி
பாட்டன்களில்  பழம்பாட்டனே
          கண்டதொழில்  நாட்டுக்கெழில்

சொந்தமண்ணில்  தந்தைஎண்ணத்தில்
           உந்துதநொழில்  சிந்துவியர்வையில்
எந்த ஊழலிலும்  சிந்தையிழந்திடா
            நிந்தைவந்திடா  சொந்தத்தொழில்

அடைமழை  கிடுகிடுவெள்ளம்
           படைவந்து  குடும்பமீட்பு
படகில்கடந்த  குடிநீர்உணவு
           மனிதாபிமானம்  போற்றும்பொங்கல்

சல்லிக்கட்டுக்கு  மல்லுக்கட்டும்
          புத்தகானுபவ  மிருகானுதாபம்
பல்லாண்டுகள்  இல்லாத்தடை
          சொல்லாதுசெல்லும்  வெற்றிப்பொங்கல்

படித்துவிட்டு  பிடித்தநாட்டில்
          பாட்டைக்கழிக்கும்  நாட்டுமக்கள்
துடிப்புடனே  நடத்தித்திடும்
          பண்பாட்டுப்  பயணப்பொங்கல்

பச்சரிசி  புழுங்கரிசி
          பறிக்கும்மரம்  அறியலியே !
எத்தகயதோ !! வெளியிடத்தில்
          ஏங்குவாரிசு  இதயப்பொங்கல்

உலகுருண்டையில்  வலம்வருகிற
          தமிழோசையின்  எதிரொலியில்
கலந்துவரும்  கலையழகில்
           நனைந்துவரும்  நினைவுப்பொங்கல்

விழாவிழாமல்  வியாபாரப்பாரம்
             எழுச்சியூட்ட  பொருட்பொங்கல்
குளிர்பனிபோய்   தெளிவான்ஒளி
          வழிகாட்டும்  விழிப்புப்பொங்கல்

உலகனைத்தும்  நினைத்துமகிழும்
             உற்சாகஉயிர்ப்  பொங்கல்வாழ்த்து !
நலம்பலவாய்  தமிழுலகம்
             நிலைத்துவாழ  வாழ்த்துமேல்வாழ்த்து !!
          
          
         





      
            

பொங்கல் வாழ்த்து-2015.

   பொங்கல் நல் வாழ்த்துக்கள்
   -------------------------------
தைதோறும்  கைகோர்க்கும்
      தமிழ்பொங்கல்  தலைமுறைசெல்
கைப்பொங்கல்  மெய்யின்பம்
      செய்பொங்கல் வெல்லப்பொங்கல் !

ஏர்உழவர்  சேர்உழத்தி
      நேர்உழைப்பில்  சேர்பொங்கல்
கார்கால  மார்கழிபோய்
      வழிபிறக்கும்  ஒளிப்பொங்கல் !

இஞ்சிமஞ்சள்  கொஞ்சுகைகள்
      புத்தரிசி  செங்கரும்பு
மிஞ்சுசுவை  அங்கமாக
     செஞ்சபொங்கல்  மங்கலக்கை !

அன்புமயம்  இன்பசுகமாய்
      ஆழிசூழ  வாழ்தமிழர்
உன்னதவாழ்வும்  இன்னல்போக்கும்
      என்பொங்கல்  இன்வாழ்த்து !

பொங்கல் வாழ்த்து *

புதுப் பொங்கல் வாழ்த்து
----------------------------------------
தை  முதல் நாள்
தமிழர் திரு  நாள் !
முன்னோர்க்கு
முன்
மூத்தோர் தொடங்கிய
தொழில்
நன்றித்  திரு நாள் !
பொங்கலிட்டு
சங்கமித்தோர்-உலகு
எங்கும்
மங்கல நாள் !
அன்பருக்கு அன்பர்
வாழ்த்தி மகிழ
வான்  கொடை
வழங்கு நாள் !
வாழ் புகழ்
வளர் தமிழ்
நலம் பல பெற்று
உலகத் தமிழர் வாழ்க !
பயிர்த் தொழில்
உயிர்த் தொழிலில்
இஞ்சி மஞ்சள்
பச்சருசி கரும்பும்
பொங்கல் பிரதானம் !
வீடு வயல் தோட்ம் துரவு
குடும்பம்  நிலைத்த வாழ்வு
பெற்றோம் !
விழா கலை மொழி  களில்
ஒன்று பட்ட தமிழன்
கொள்கையிலும் ஒன்றி
உள் உறவு பொங்கி வாழ்க !

பொங்கல் வாழ்த்து (2) * *

 பொங்கல்  வாழ்த்து
-------------------------- 
மங்கலப்  பொங்கல்
    எங்கும்  பொங்கும்
மங்கையர்  குங்குமம்
    தங்கியே   வாழ்க !


திங்கள்  தொழுது
    தங்கள்  இதயப்
பங்கினைப்  பொழியும்
     தமிழினமே  வாழ்க ! 


பங்காய்  உழைத்து
    பாங்காய்க்  காளையும்
திங்கவே  ஊட்டும்
    தாய்மையே   வாழ்க !


கீரிய  நிலமும்
    ஊறிய  நீரும்
தூரிய  விதையும்
    காத்தோர்  வாழ்க !


விரும்பும்  கரும்பும்
    உரித்த  அரிசி
நிறைத்த  பானை
    சேத்தோர்  வாழ்க !


இஞ்சி  மஞ்சள்
    எங்கள்  மருத்துவம்
திங்க  மங்கா
    செல்வமே  வாழ்க !


விளைந்த  நிலத்தில்
    இணைந்து  நின்று
உழைத்த  குடும்ப
    ஒற்றுமை  வாழ்க !


பொழிந்த  மழையால்  
    விழித்த  விதையில்
முளைத்து   நீளும்
    வேர்வளம்  வாழ்க !


பரந்தும்  நாற்றிசை
    பிறந்தமண்  மறவா
மறத்தமிழ்  நெஞ்சோர்
    உரத்தமிழ்  வாழ்க !


கழைவது   பழையது
    நுழைவது  புதியது
அழகது  பழகுறும்
    விளைவொளி  வாழ்க !


உழைப்புந்  தழைப்புந்
    செழிப்பும்  வளர்ப்பும்
களைப்பிலா  உள்ளம்
    களித்து  வாழ்க !


அணுவினால்  பயமோ
    அணையினால்  பகையோ
அணுகிடா  வண்ணம்
    அன்பினில்  வாழ்க !
   

• பொங்கல் வாழ்த்து
• -------------------
• ஏர்பூட்டி    தார்நீட்டி
• வேரெட்டும்    தூர்மட்டும்
• கூரிட்ட     கொழுநீட்டி
• கீறிட்ட     நிலத்தில்
  
• 
  
• பயிரிட்டு   பயன்பெற்று
• வியர்வைதந்த   விளைவுக்கு
• உயர்மதிப்பின்   உணர்வூட்டி
• பெயர்பெற்ற   பொங்கலின்று
  
• 
  
• பலதொழிலால்   உலகைச்சுற்றும்
• நலநட்பும்   பலஉறவும்
• விலைமதியா    குலவிழுதுக்கும்
• சொல்லுகிறேன்   நல்வாழ்த்து.