புத்தாண்டு (2017) *

புத்தாண்டு  வாழ்த்துக்கள்
         2017
-------------------------
ஓடிய  கடிகாரம்
    நடுரா  ஒருமுள்
தேடிய  இமைப்பிடை
    பிறந்திட்ட  புத்தாண்டு

கோபுர  மணியும்
    கப்பல்  சங்கும்
வாண  வண்ணமும்
    வானில்  வெடியும்

நகரம்  அதிரும்
    நடைபாதை  திணரும்
கிழக்கில்  தொடங்கும்
    மேற்கில்  முடியும்

இடையில்  எழும்பும்
    மக்கள்  ஒலியும்
இடைவிடாது  ஒலிக்கும்
    பூமிப்  பரப்பும்

ஆலய  மணியில்
    கிராமங்கள்  எழும்பும்
ஆனந்தப்  பாடல்
    ஆலயந்  தோறும்

அலங்கார  விளக்கு
    அலையென  எழும்பும்
துலங்கும்  மகிழ்வும்
    துளிர்த்துக்  கிழம்பும்

ஒருபாதி  பகலில்
    மறுபாதி  இரவில்
ஒருநாள்  கொண்டாடும்
    பூமியில்  புத்தாண்டு

சுற்றஞ்  சூழப்
    பெற்ற  இன்பம்
போற்றி  வாழ்க
    புத்தாண்டு  வாழ்த்து .
   


 

புத்தாண்டு

                                    புதிய ஆண்டு 2013
                                   ---------------------------------
மேல்வானும்  கீழ்வானும்  தூவானமாய்  பனிபொழிய
       மல்ர்களும்   இதழ்களும்  துளிஅணிய
நால்திசையும்  நீள்இருளும்  ஆள்அரவம்  மங்கிமறைய
       கால்இல்லா  நாள்நகர்ந்து  நேர்சுழல

மீண்டுமொரு  ஆண்டுருண்டு  கீழ்வானில்  ஒளிபிறந்து
       கதிர்வீச  அதிர்கடலின்  துதியோசை
தோன்றுகிற  சூரியனும்  பழையபாதை  புதியஒளியில்
       புதியவானம்  புதியசூமி  புதியமாருதம்

பொன்பொழியும்  தண்ணொளியில்  கண்விழித்த  பறவைபாட
       மனிதகுலம்  மனமகிழ்ந்து  கைகுலுக்க
இன்பமயம்  இவ்வாண்டின்  விளைவாக,  கடந்தாண்டு
       நடந்தவைகள்  நமைவிட்டோடி  வெற்றியாக

நீதியின்சூரியன்  சோதிவீசும்  மேதினியில்  செல்வவளம்
       பெருகிவந்து  மக்கள்மனம்  குளிரவைக்கும்
ஆதிஆரோக்கியம்  ஆண்டுகொண்டு  புதுப்பெலமும்  புதுமகுழ்வும்
       அனைவருக்கும்  அனுபவமாய்  வந்துசேரும்

காத்திருந்து  ஜெபித்திருப்போர்  கழுகுபெலத்தை  முழுதும்பெற்று
       சிறகடித்துப்  பறந்தெழுவர்  நெஞ்சம்லேசாகி
பாத்திருந்த  நன்மையெலாம்  சேத்துவர  வேண்டுவோம்
       பகையில்லா  உலகத்துப்  பாத்திடுவோம் !